قصيدة الناس إنتي...خميس المقيمي

لغياب وجهك عن تفاصيل الأنفاس         
          قصة مشاوير و اماني عديده
يفرق هواك اللي نبتنا به إحساس         
          و اللي تنفسناه و إنتي بعيده
و تفرق دروبك .. ما بها درب ينداس         
          كل الدروب اللي تمرك قصيده
حتى السهر و الشعر و العطر و الناس         
          بترابك الدنيا جديده جديده
حتى مراجيح الزهر فلٍ و ياس         
          في قلب عاشق طهر حبك رصيده
و رصيده الاغلى بلا حد و قياس         
          عشقه لصبح المجد من كف سيده
قابوس باني مجدنا واثق الباس         
          اللي غرس حبك بقلبه عقيده
ضمّك بعينه و المدى جدب يبّاس         
          و سقاك صافي العزّ من راحة إيده
نقول إسمك يا عمان .. ارفعي الراس         
          ما غير دمّك في دمانا نعيده
فغياب وجهك هالقصايد تبي ناس         
          و الناس إنتي .. و المشاعر وحيده