قصيدة سالفة سُكَّر...خميس المقيمي

قبل السفر ..
لمّيني فثيابك سما
و ديري عَلَي بالك
أخاف أتكسَّر
يا قطعة من جنّه
يا سالفة سُكَّر
لمّيني في ثيابك ..
أخاف أتكسّر
تدرين في طاري السّفر
يتلف لي أعصابي
بتقصّي لعيوني السَّهَر
و تشيلي أهدابي
و تشيلي الإنفاس
و تشيلي الإحساس
و تشيلي الزحمه
و النور
و الشارع
و تشيلي كل الناس
و ما يبقى حد فيني
تكفين شيليني ..
ما أقوى على غيابك ..
شيليني أحبابك
شيليني أهدابك
شيليني فثيابك
أخاف أتكسَّر
قرب السفر
قرب السَّهَر
قرب الشِّعر أكثر